ENGLISHMynd dagsins
Heima - Fréttir
10.05.11
ArcticMass í fréttum
Sunnudaginn 8. maí var frétt á RÚV um "nýja meðferð við krabbameini". Hluti þessa verkefnis er samstarfsverkefni á milli ArcticMass, PCI Biotech og Más Mássonar prófessors við Lyfjafræðideild Háskóla Íslands og er stutt af Tækniþróunarsjóði. Styrkur Tækniþróunarsjóðs hefur verið ómetanlegur við uppbyggingu ArcticMass og hefur gert fyrirtækinu kleyft að vinna að þróun nýrra aðferða við efnagreiningu örtæknilyfja sem mun skila sér í auknum verkefnum frá erlendum aðilum.
26.04.11
Erindi framkvæmdastjóra
Í tilefni af ári efnafræðinnar 2011 heldur Nýsköpunarmiðstöð Íslands málstofu með frumherjum og frumkvöðlum á sviði efnavinnslu, efnaferla og nýtingar efnafræði í íslensku atvinnulífi. Eiríkur Vigfússon framkvæmdastjóri okkar mun halda erindið "Greiningar á virkum lyfjamörkum með massagreinum". Málstofan verður haldin föstudaginn 29. apríl frá kl. 13:30 - 16:30 í húsakynnum Nýsköpunarmiðstöðvar Íslands að Keldnaholti. Sjá má dagskrá málstofunnar á vef nýsköpunarmiðstöðvar hérna.
14.04.11
ArcticMass hefur samstarf við Huaxipharm Co. Ltd.
Í dag skrifaði ArcticMass undir samstarfssamning við kínverska lyfjafyrirtækið Huaxipharm. Við hlökkum til að vinna með þeim.
24.02.11
Breytingar á stjórnunarteyminu
Á stjórnarfundi ArcticMass þann 17. febrúar voru hlutverkabreytingar ákveðnar á stjórnunarteymi fyrirtækisins. Eiríkur Vigfússon markaðsstjóri tók við stöðu framkvæmdastjóra af Margreti Þorsteinsdóttur sem sinnir núna stöðu yfirmanns rannsókna og þróunar hjá fyrirtækinu. Baldur Bragi Sigurðsson er áfram yfirmaður rannsóknastofu.
10.10.10
Ný símanúmer hjá ArcticMass
Á skrifstofutíma +354 555-0200.
Utan skrifstofutíma +354 895-4762.
15.06.10
ArcticMass og Waters í samstarf
ArcticMass hefur tekið við sem umboðsfyrirtæki Waters og mun sjá um sölu á þeirra vörum á Íslandi. ArcticMass hefur mikla reynslu í notkun á tækjabúnaði og vörum frá Waters og getur því veitt fyrsta flokks ráðgjöf við val á tækjabúnaði, rekstrarvöru í meðhöndlun sýna og súlum fyrir vökvaskiljur. Til að byrja með getum við veitt ráðgjöf við aferðaþróun, bent á réttar aðferðir sýnameðhöndlunar og réttar súlur við allar aðstæður. Ef áætlanir ganga eftir verður viðhaldsþjónusta á Waters vökvaskiljum til staðar hjá okkur á seinni hluta þessa árs.
27.05.10
Framkvæmdastjóri ArcticMass með kynningu á ASMS 2010
Margrét Thorsteinsdottir, framkvæmdastjóri ArcticMass, mun í dag halda fyrirlestur á ASMS ráðstefnunni, sem haldin er í Salt Lake City. Titill fyrirlestursins er "Chemometric Optimization of LC-MS/MS Method for Quantification of the Biomarker Leukotriene B4 in Support of Gene-to-Clinic Drug Discovery Approach".
23.12.09
ArcticMass óskar viðskiptavinum sínum sem og landsmönnum öllum gleðilegra jóla og velgengni á næsta ári. Við vonum að árið sem er að líða hafi verið ánægjuríkt og að fólk hafi fundið hjá sér jákvæðni til að takast á við það mótlæti sem við stöndum frammi fyrir bæði sem einstaklingar og sem þjóð. Það mun rofa til á næstunni!
Þessir fyrstu mánuðir fyrirtækisins hafa verið lærdómsríkir og erum við viss um að það hjálpi okkur að efla þjónustuna á sama tíma og þjónustusviðið okkar er sífellt að stækka. Við erum mjög þakklát fyrir þann áhuga sem okkur hefur verið sýndur og þau jákvæðu viðbrögð sem við höfum fundið. Þetta mun án efa gefa okkur kraft til að halda áfram af krafti og færa félagið upp á næsta stig.
16.11.09
ArcticMass kynnti þjónustu sína á ráðstefnu Efnafræðifélags Íslands og tókst það með ágætum. Eiríkur Vigfússon markaðsstjóri kynnti þjónustuna í örfyrirlestri ásamt því að ýta heimasíðu okkar formlega úr vör. Þess má geta að Finnbogi Óskarsson, efnafræðingur, var ArcticMass innan handar við forritun heimasíðunnar og kunnum við honum bestu þakkir fyrir.
11.11.09
Næsta laugardag, 14.11.09, verður ArcticMass á fimmtu ráðstefnu Efnafræðifélag Íslands. Þema ráðstefnunnar er "Efnafræði og nýsköpun" sem tengist ArcticMass á vissan hátt, þar sem ArcticMass er nýstofnað og er eina fyrirtækið á Íslandi sem sérhæfir sig í efnagreiningu lífsýna með massagreinum. ArcticMass mun kynna ráðstefnugestum þjónustu sína.Til viðbótar mun Margrét Þorsteinsdóttir, framkvæmdastjóri ArcticMass, flytja erindi sem ber titilinn "A Multivariate Approach to Evaluate Differences between a HPLC-MS/MS versus an UPLC-MS/MS Assay for Quantification of a Clinical Candidate and its Metabolites in Plasma"
28.08.09
Það var ánægður hópur sem fagnaði stofnun ArcticMass seint í ágúst. ArcticMass var stofnað af fyrrum efnagreiningarhóp Íslenskrar erfðagreiningar með það að markmiði að viðhalda þekkingu á efnagreiningu lífsýna með LC-MS/MS tækjabúnaði á Íslandi.